Aksionerët
Struktura e aksionerëve është:
|
Çalik Financial Services A.S. |
|
100% |
ÇALIK HOLDING
Çalik Holding me qendër në Stamboll me fusha të rëndësishme biznesi si, ndërtim, energjitikë, tekstil, financë, telekomunikacion dhe media , u ofron të gjitha shërbimet dhe produktet e saj klientëve në të gjithë botën në rang korporatash kombëtare dhe ndërkombëtare.
Çalık Holding ka rreth19.855 të punësuar në shtete të ndryshme. Kompania Çalik Holding, me përjegjësi të lartë ambientale, respekti për përgjegjësitë sociale është përqendruar të krijojë vlera tek grupet e saj të interesit nëpërmjet një modeli të shpejtë dhe efektiv bazuar në të gjitha fushat e saj ne vende dhe sektorë të ndryshëm.
Çalik Holding investon në të ardhmen dhe vlerat e punonjësve të saj. Përgjegjësia kryesore e Grupit është krijimi i vlerave për grupet e saj të interesit duke iu përmbajtur vizionit , qëllimit dhe misionit të saj si edhe për të qenë një model i mirë dhe një korporatë e respektuar. Arritjet, ndershmëria, transparenca, shërbimi ndaj klienteve, globalizimi dhe kontributet në shoqëri janë vlerat themelore dhe stimuli i strategjisë së korporatës së Calik Holding.
Energjitika & Telekomunikacioni:
Një strukturë që siguron rritje të sigurtë
Që prej themelimit të tij në vitin 1998 brenda strukturës së Calik Holding, Calik Enerji ka patur rritje të qëndrueshme dhe është një nga bazat e vizionit të Calik Holding. Holding ka një rol aktiv ndërkombëtar në elektricitet, naftë, gaz dhe telekomunikacion me qendra në Turqi, Turkmenistan si edhe në shtete të tjera. Pas pikënisjes me projektin e gazit natyral në provincën e Bursës (Bursagaz), Grupi vazhdon me suksesin e tij me një tjetër kompani shpërndarjeje gazi në Kayseri (Kayserigaz). Me nënshkrimin e kontratës së tubacioneve të naftës Samsun-Adana Ceyhan dhe projektin e rafinerise se Ceyhan , Calik Holding do të vazhdojë të mbajë vendin kryesues në sektorin e energjisë për vitet e ardhshme.
Ndërtim & Investim:
Investimet me prioritetin që të nesërmen ta bëjnë të sotme… Në kuadër të veprimtarive të tij, Calik Holding ndërmerr projekte themelore prodhimi në tekstile, ndërtimin e banesave, spitaleve, shkollave, qëndrave të biznesit, lehtësirave sociale, ndërtimin e rrugëve dhe autostradave si edhe projekteve urbane.
Grupi i ndërtimit, që është edhe grupi me rritjen më të shpejtë në kompanitë e Calik Holding, shënon një numër të madh projektesh të suksesshme në nivel kombëtar dhe ndërkombëtar. GAP İnşaat ka fituar tendera në Projektet e transformimit urban Tarlabaşı dhe Balat, të cilat po ndërmerren për herë të parë në Turqi.
Sukseset e arritura nga Calik Holding në rang ndërkombëtar e pozicionojnë atë ne vend të parë për këtë fushë. Grupi po ndërmerr projekte të mëdha jo vetëm në Turqi por gjithashtu në Azinë Qendrore, Gadishullin Arabik dhe Afrikë. Suksesi i Gap İnşaat në rang ndërkombëtar u konfirmua edhe njëherë kur kompania u rendit në vendin e 163-të nga revista e rekordeve Inxhinierike nga 225 kompanitë më të mira të ndërtimit në botë për vitin 2009.
Tekstili:
Një prodhues kryesor në tregun ndërkombëtar për veshmbathje… Çalık Holding vazhdon të jetë lider në linjën fillestare të biznesit, atë tekstile. Si një prodhues i preferuar në rang ndërkombëtar për materialin e veshmbathjes që prodhon me qendrat në Malatya, Turqi dhe Turkmenistan, grupi është i aftë të jetë një pjesëmarrës aktiv në nivele botërore për cilësi dhe sasi duke filluar nga fijet e pambukut deri në qepjen e veshmbathjeve. Kompanite janë të afta të depërtojnë në tregjet boterore në shtete të ndryshme. Marka e Calik në fushën e tekstilit nuk është e njohur vetëm në Turqi por edhe nga Shtetet e Bashkuara në Bashkimin Europian, nga Rusia në Lindjen e Largët dhe nga Afrika e Veriut në Ballkan.
Shërbimet Financiare
Calik dallon në investimin banker
Calik Holding gëzon një pozicion udhëheqës në fushën e investimit bankar me anë të Aktif Bank dhe rritja e grupit në këtë biznes ka qenë e qëndrueshme. Në vitin 2006 Calik Holding ndërmori inisiativën e parë ndërkombëtare në shërbimet financiare kur bëri pjesë të sajën edhe Bankën Kombëtare Tregtare (BKT), një nga bankat më të mira në Shqipëri, e cila ka ndërmorë një hap mjaft të rëndësishëm jo vetëm në rang kombëtar por edhe në rang ndërkombëtar.Dega e re e hapur në Prishtinë në nëntor 2007 është investimi i parë i huaj bërë nga BKT. Calik Holding do të vazhdojë rritjen e mëtejshme në biznesin financiar duke investuar me tepër në sektorin bankar.
www.aktifbank.com
www.bkt.com.al
Telekomunikacion
Lojtar i fortë që operon me infrastrukturën e tij.
Një linjë tjetër biznesi për Çalik Holding është telekomunikacioni. Kompania ndërmerr të gjitha projektet e saj me anë të kompanisë CETEL. Kompania ndjek strategji për t’u kthyer në një lojtar të fortë që operon me strukturën e saj në Turqi dhe me gjerë.
Në vitin 2005 Holdingu mori pjesë në tenderin e privatizimit të Albtelecom, operatori më i madh i telefonisë në Shqipëri dhe arriti privatizimin e plotë në shtator 2007. Sot kompania ka në pronësi operatorin e tretë më të madh GSM në Shqipëri, Eagle Mobile.
Të dyja kompanitë kanë si qëllimin të opfrojnë shërbimet më të mira për të 913.000 abonentët e tyre.
www.albtelecom.al
www.eaglemobile.al
Media:
Grupi lider i Media në Turqi.
Çalık Holding mori pjesë në tenderin për shitjen e ATV-Sabah Commercial and Economical Unity me 5 December 2007 dhe arriti ta fitojë atë për vlerën 1.1 miliard USD në emër të Turkuvaz A. S në 22 prill 2008 . Si rezultat, Turkuvaz Media Group është grupi i dytë më i madh në Turqi që zotëron, televizionet ATV, Atv Avrupa , Radio City, Sabah ATV , gazetat Sabah Avrupa, Takvim, Günaydın, Yeni Asır, revistat Pas Fotomaç, Ams Auto Classic, Auto Katalog, Auto Motor & Sport, Bebeğim ve Biz, Cosmo Girl, Cosmopolitan, Cosmopolitan Bride, Esquire, Forbes, Global Enerji, Harper’s Bazaar, Home Art, House Beautiful, Para, Sinema, Sofra, Transport, Şamdan Plus, Yeni Aktüel, Motorrad Katalog, Oto Haber, Oto Haber Test Yıllığı, Kumsal, revistat juridike dhe kompnanine Turkuvaz.
Trukuvaz Media Grup bazon politikën dhe strategjinë e saj të transmetimit në nivele të larta të etikës dhe është e angazhuar të ndërtojë dhe shtrijë suksesin e tij nën drejtimin e Atv dhe Sabah.
Për më shumë informacion, klikoni ne linkun www.calik.com
