Page 32 - Raporti Vjetor 2024

Një Vit Progresi

në Digjitalizim

dhe Fokus te Klienti

Viti 2024 ishte një tjetër vit i suksesshëm për BKT-në në rrugëtimin e saj drejt
digjitalizimit dhe forcimit të fokusit ndaj klientit. Si një pionier në novacion në
Shqipëri, gjatë këtij viti, BKT lançoi një sërë zgjidhjesh bashkëkohore. Vëmendja
kryesore iu kushtua kalimit të klientëve biznes drejt platformave digjitale,
përmes trajnimeve individuale, komunikimit me email, njoftimeve përmes
SMS-ve dhe video-udhëzimeve, të mbështetura nga analiza të avancuara të
të dhënave.

Prioriteti ynë ishte rritja e përdorimit të shërbimeve ekzistuese digjitale, si:
pagesat e taksave, e-faturave, detyrimeve doganore dhe pagesat ndaj
institucioneve shtetërore. Për këtë qëllim, kemi përdorur në mënyrë efektive
të gjitha mjetet e menaxhimit të marrëdhënieve me klientin, duke tejkaluar
objektivat e vendosura. Një nga risitë më të veçanta ishte prezantimi për herë
të parë në Shqipëri i pagesave të e-Albania përmes kanaleve digjitale – një
nismë që kontribuoi në uljen e ndjeshme të transaksioneve fizike në degë.

BKT zhvilloi gjithashtu zgjidhje të reja për menaxhimin e parasë fizike,
si depozitimi përmes një kodi unik në ATM, që u mundëson bizneseve
të delegojnë staf për të kryer depozitime, duke shtuar përshkrime për
transaksionet dhe deklaruar të ardhurat. Gjithashtu, krijuam zgjidhje B2B për
integrimin e sistemeve të bizneseve me bankën. Një tjetër arritje ishte aplikimi
i pagesave me kod QR përmes faturave fiskale – një hap kyç drejt ndërtimit të
një infrastrukture të unifikuar pagese, që në të ardhmen synon të zëvendësojë
përdorimin e kartave dhe POS-eve. Bashkëpunimet me kompanitë fintech
mbështesin këtë vizion modern.

32 BANKA KOMBËTARE TREGTARE