Lajmërime

NEW YORK, 25 Mars 2022- Global Finance shpalli çmimet e saj për të 29-in vit radhazi për bankat më të mira në Evropën Qëndrore dhe Lindore për vitin 2022. Në njoftimin për shtyp revista Global Finance vlerëson Bankën Kombëtare Tregtare me çmimin “Banka më e mirë në Shqipëri për vitin 2022”. Ky çmim i marrë nga kjo revistë prestigjoze thekson vlerësimin e saj ndër vite ndaj BKT.

Joseph D. Giarraputo, botues dhe drejtor redaksie i Global Finance në njoftimin për shtyp deklaroi se "Me botën financiare në një gjendje trazirash nga pushtimi rus i Ukrainës, liderët e korporatave përballen me një grup sfidash të reja në lidhje me zgjedhjen e marrëdhënieve të tyre bankare. Pas vështirësive të mëdha të shkaktuara nga pandemia, këto ndryshime kërkojnë vëmendje më të madhe ndaj marrëdhënieve tregtare globale. Çmimet tona mbështesin vendimmarrësit në përzgjedhjen e partnerëve më të mirë financiarë.”

Global Finance thekson se fituesit e çmimeve të këtij viti janë ato banka që trajtuan me kujdes e përkushtim nevojat e klientëve në tregje në zhvillim dhe arritën rezultate më të mira duke hedhur themelet e sukseseve të ardhshme.

Të gjitha përzgjedhjet u bënë nga redaktorët e Global Finance pas konsultimeve të gjera me drejtues financiarë të korporatave, bankierë, konsulentë bankarë dhe analistë në mbarë botën. Në përzgjedhjen e këtyre bankave kryesore, Global Finance mori në konsideratë faktorë sasiorë objektiv dhe subjektiv.

Në kriterët objektiv të vlerësuar përfshiheshin: rritja e aseteve, përfitueshmëria, shtrirja gjeografike, marrëdhëniet strategjike, zhvillimet dhe inovacionet e reja në produkte bankare. Ndërsa në kriterët subjektiv përfshiheshin opinionet e analistëve të kapitalit, analistëve të vlerësimit të kredisë, konsulentëve bankarë dhe të ekspertëve të tjerë të përfshirë në industrinë bankare.

Lajmet e tjera

JCR Eurasia Rating konfirmon BKT me notën ‘'AAA (Alb)''
JCR Eurasia Rating ka vlerësuar strukturën e konsoliduar të Banka Kombëtare Tregtare Sh.A dhe ka konfirmuar notën e vlerësimit ‘’AAA (alb)’’
Këshilla Sigurie
Dëshirojmë të risjellim në vëmendjen tuaj disa këshilla për të patur një përdorim të sigurt në internet:
Banka Kombëtare Tregtare raporton fitim neto në rritje për 6 mujorin e parë të vitit 2022
​Banka Kombëtare Tregtare raporton se fitimi neto në qershor 2022, vetëm për BKT Shqipëri ka rezultuar 53 mil USD krahasur me fitimin neto prej 39 mil USD të muajit qershor 2021.