Lajmërime

BKT – PJESËMARRËSE NË PANAIRIN “WORK & STUDY”, 2018

Tiranë, Shqipëri (28 Mars, 2018) – Banka Kombëtare Tregtare (BKT), tashmë prej disa vitesh, mbështet traditën e panairit “Work & Study”, për tu gjendur sa më pranë kërkesës së tregut të punës dhe të studimit. Edicioni i 9-të i këtij panairi organizohet nga Dhoma e Tregtisë dhe Industrisë Tiranë në partneritet me Bashkinë e Tiranës dhe Ministrinë e Arsimit dhe Sportit, në datat 28-29-30 Mars 2018 në ambientet e Pallatit të Kongreseve.
Gjatë fjalës së tij hapëse, Kryetari i Bashkisë Z. Erion Veliaj u shpreh: “Dua të falenderoj ata që vazhdojnë dhe rikthehen në panair, do të thotë që ka duk, domethënë dhe për kompanitë nuk është një kohë e shpenzuar kot apo para të shpenzuara kot. Për të gjithë ata që na ndjekin bëni gati CV dhe hajde bëjmë një xhiro se askush nuk do vij të ofrojë vende pune nëpër kafe.”

Banka Kombëtare Tregtare, me rrjetin e saj të gjerë prej 94 degësh në Shqipëri dhe Kosovë ndihet krenare me ekipin e motivuar dhe profesional që kanë lënë gjurmë në suksesin e saj. Me anë të panairit “Work & Study” BKT fton të gjithë të interesuarit të aplikojnë për praktika të ndryshme profesionale si dhe në pozicionet vakante të punës për të vijuar rrugën drejt suksesit individual dhe të korporatës.

Lajmet e tjera

BKT inauguron degën e rinovuar dhe restauruar në Korçë – Traditë dhe novacion në shërbim të klientit në 100-vjetorin e bankës
​Më 2 tetor, Banka Kombëtare Tregtare hapi zyrtarisht dyert e degës së saj historike në Korçë
Intervistë Monitor, Z. Seyhan Pencabligil, Shtator 2025
Deklaratë Zyrtare nga Banka Kombëtare Tregtare